再有神預言？！05年因內容唔合理而遭拒出版　外國驚悚小說曾提及疫情兼「全球大封鎖」

新冠肺炎全球疫情持續，多個國家除咗限制出入境外，更實施封鎖、宵禁等措施，以防止疫情擴散。

不過近日有人就發現一本喺2005年完成嘅驚悚小說《Lockdown》，喺書中曾提及過全球因為爆發疫症而令各國都市封鎖，民眾被逼留在家中。

有冇覺得情境似曾相識喇？！係呀，書中所描述嘅情節與依家嘅疫情同出一轍，因而引起大家關注，更被指係「神預言」。

Photo from amazon.co.uk

其實《Lockdown》係由蘇格蘭作家Peter May喺2005年所撰寫嘅，當年專家估計禽流感會成為全球大流行疫症，因此佢就以此作為靈感。作家當時為咗令小說內容更逼真，佢更參考英、美兩國自2002年起公佈嘅大流行疫症政策。

而故事背景設於英國倫敦，内容講述禽流感大爆發，各大都市封鎖，興建臨時醫院，人民喺疫情下被逼留在家中，暫停握手等社交禮儀，及一個零感染地區如何抗拒外人進入等等......

Photo from shutterstock

但依本小說當時並未有出版，當年出版商以小說「不真實、不合理」為由拒絕出版。

但係時隔15年後，作者因書迷嘅一個提議，令佢記起這部小說並再次將小說交畀出版商，出版商感到非常驚訝，並決定馬上出版。

Photo from Twitter

目前依本《Lockdown》喺英國Amazon網站上以Kindle電子書嘅形式出售，預計30號就會有實體小說及有聲書正式發行。

電子書《Lockdown》

Text: HolidaySmart Editorial

（小編公告：如果讀者有任何關於美食、旅遊、玩樂、或者任何新奇有趣事物既資訊，都歡迎話比小編們知～大家可以透過Facebook inbox、或者send e-mail到holiday@presslogic.com，直接將資料傳比小編）